Qoǵamdyq keńesterdiń jumysyn retteıtin biryńǵaı saıt ázirlendi
Bul týraly QR Aqparat jáne qoǵamdyq damý vıtse-mınıstri Bolat Tilepov ortalyq kommýnıkatsııalar qyzmetinde ótken brıfıngide aıtty.
«Qoǵamdyq keńestiń kúndelikti atqaryp júrgen jumysyn elge keńinen jetkizýdiń mańyzy óte zor jáne dástúrli aqparat kózderimen onyń bárin qamtý óte qıyn. Azamattar óz máselesimen qoǵamdyq keńesterge júginýi úshin, másele kóterip, onyń sheshimin qadaǵalap otyrýy úshin biryńǵaı qoldanýǵa óte yńǵaıly aqparat resýrsynyń bolýy óte mańyzdy. Sol sebepti bizdiń mınıstrliktiń tapsyrysymen kazkenes.kz saıtynyń jobasy jasalyp, búgin mine, nazarlaryńyzǵa usynylyp otyr», - dedi Bolat Tilepov.
Onyń sózine qaraǵanda, kvazımemlekettik kásiporyndardyń janynan da qoǵamdyq keńester qurylyp jatyr.
«Qoǵamdyq keńester búkil aktsıonerlik qoǵamdarda tolyqtaı qurylyp, jumysyn bastap ketti. Jyldyń aıaǵyna deıin eń úlken sýbekt – «Samuryq Qazyna» ulttyq ál-aýqat qorynda qurylady», - dedi vıtse-mınıstr.
