Qoǵamdyq keńesterdiń is júzinde eshqandaı ókilettigi joq - saıasattanýshy

ALMATY. QazAqparat – Qoǵamdyq keńesterdiń is júzinde eshqandaı ókilettigi joq. Bul týraly saıasattanýshy, Almaty qoǵamdyq keńesiniń múshesi Marat Shıbutov málim etti, dep habarlaıdy QazAqparat tilshisi.

«Qoǵamdyq keńester memlekettik organdardan qajetti aqparatty ala almaıdy. Bizge dáleldi jáne naqty jaýap kerek. Bul rette memlekettik organdardyń jaýapkershiligi joq. Sonyń saldarynan keıde qoǵamdyq tyńdaýlar men esep berý jıyny ótpeıdi nemese keıinge shegeriledi. Qoǵamdyq keńesterdiń is júzinde eshqandaı ókilettigi joq»,- deıdi saıasattanýshy.

Marat Shıbutov vedomstvoaralyq jumys tobyn qurý qajet dep sanaıdy.

«Bizge jeke qabyldaý, mysaly, etıka keńesine suraq qoıý sııaqty quraldar qajet. Ákimniń buıryǵymen vedomstvoaralyq jumys toby qurylýy kerek. Bizde ondaı eshteńe joq. Іs júzinde tek hat almasý tásili máseleni sheshpeıdi. Bizge júktelgen jaýapkershilikti oryndaý úshin ókilettikter de qajet», - dedi Marat Shıbýtov óz sózinde.

Aıta keteıik, búgin Aqparat jáne qoǵamdyq damý mınıstri Aıda Balaeva Almaty qalalyq qoǵamdyq keńesiniń múshelerimen kezdesti.