Qoǵamdyq keńesterde naqty sarapshylar, kásibı mamandar bolsa - Oleg Chernyshev

NUR-SULTAN. QazAqparat - Qoǵamdyq keńester zeınetkerler keńesine aınalyp otyr. Mundaı pikirdi Shyǵys Qazaqstan oblystyq qoǵamdyq keńesiniń múshesi, oblystyq máslıhat depýtaty Oleg Chernyshev bildirdi, dep habarlaıdy QazAqparat tilshisi.

«Resýrstyq qamtamasyz etý máselesine toqtalyp ótpekpin. Bizde, Shyǵys Qazaqstan oblysynda Іshki saıasat basqarmasynyń arqasynda naqty mindetterdi júzege asyrý úshin memlekettik áleýettik tapsyrys arqyly naqty qarajat alyp otyrmyz. Sonyń nátıjesin búkil oblysty aralap, problemalardy jınaqtaýǵa, qoǵamdyq tyńdaýlar ótkizýge, azamattardyń shaǵymdarymen jumys isteýge múmkindik aldyq»,- dedi ol IX Azamattyq forým barysynda.

Degenmen, ol mundaı júıeniń ózindik kemshilikteri de bar ekendigin basa aıtty.

«Alaıda, táýekelder de bar. Memlekettik áleýmettik tapsyrysty kim utyp alady? Bul iske múldem qatysy joq uıym jeńimpaz bolyp shyqpaı ma? Barlyǵy baǵany tómendetýge negizdelgen. Soǵan oraı, baǵa tómendegen kezde sapanyń nasharlaýy da oryn alady. Sondyqtan eger biz sapaly nátıje alǵymyz kelse, onda jetkilikti resýrstyń da bolýy zańda naqty jazylýy tıis. Búginde bizdiń Qoǵamdyq keńester zeınetaqy esebinen ómir súrý múmkindigi bar bolǵandyqtan osyndaı protsesterge qatysatyn zeınetkerler keńesine aınalyp ketken. Bulaı bolmaýy tıis. Biz Qoǵamdyq keńesterde naqty sarapshylar, shynaıy kásibı mamandar bolǵanyn qalaımyz. Al ol úshin naqty resýrstar bolýy tıis», - dedi Oleg Chernyshov.