Qoǵamdyq keńesterde 3 myńǵa jýyq másele talqylandy

NUR-SULTAN. QazAqparat – Qoǵamdyq keńesterde 3 myńǵa jýyq másele talqylandy. Bul jaıynda Májilis depýtattarynyń saýalyna QR Aqparat jne qoǵamdyq damý mınıstri Asqar Ýmarovtyń jaýabynda aıtylǵan, dep habarlaıdy QazAqparat tilshisi.

«Qoǵamdyq keńester respýblıkada 2016 jyldan bastap memleket pen qoǵamnyń ózara is-qımyl ınstıtýty retinde jumys isteıdi, olar memlekettik organdar ókildikteriniń (30% aspaıtyn) jáne azamattyq sektordyń (keminde 70%) proportsıonaldy araqatynasynan turady. Osy kezeńde qoǵamdyq keńester jyl saıyn 200-den astam ártúrli deńgeıdegi ákimniń, 20 ortalyq jáne 200-ge jýyq jergilikti memlekettik organ basshylarynyń esepterin tyńdady», - dep atap ótedi mınıstr.

Onyń aıtýynsha, tıisti salanyń nemese óńirdiń qoǵamdyq mańyzdy máselelerin qaraýǵa 1 myńnan astam qoǵamdyq monıtorıng júrgizildi.

«Qoǵamdyq keńesterdiń qoǵamdyq tyńdaýlarynda 3 myńǵa jýyq sýmen jabdyqtaý, TKSh, medıtsına, bilim berý, áleýmettik sala máseleleri talqylandy. Qoǵamdyq keńes músheleri 20 myńnan astam normatıvtik quqyqtyq aktiniń jobasyn qarady. Sonymen qatar, alty jyldyq qyzmet qorytyndysynyń oń nátıjelerine qaramastan, qoǵamdyq keńesterdiń jumysyna jasalǵan taldaý qoǵamdyq keńesterdiń memlekettik sheshimder qabyldaý kezinde qoǵamdyq baqylaý men halyqtyń pikirin eskerýdiń tıimdi quraly bola almaǵanyn kórsetedi. Qoǵamdyq keńesterdiń qyzmeti, sondaı-aq olardyń sapalyq quramy azamattar arasynda jıi narazylyq týdyrady, qoǵamdyq keńesterdiń jumysy formaldy sıpatqa ıe, bul olardyń tıimsizdigin jáne ashyq bolmaýyn kórsetedi», - dedi Asqar Ýmarov.