Qoǵamdyq keńester óz mindetin tolyqqandy atqarmaıdy – Aıda Balaeva
Mınıstr qoǵamdyq keńesterdiń jumysy mınıstrlikpen únemi taldanyp jáne qoǵam belsendilerimen talqylanatynyn, al nátıjeleri memlekettik organdar men azamattyq qoǵam ınstıtýttarynyń alańdarynda jarııalanatynyn atap ótti.
«Qoǵamdyq keńester jumysynyń nátıjesi retinde azamattyq qoǵamnyń pikirin bildirý maqsatynda naqty ınstıtýt quryldy. Qoǵamdyq keńester «Halyq únine qulaq asatyn memleketti» qalyptastyrýdyń mańyzdy býynyna aınaldy», - dedi ol.
Sonymen qatar, mınıstr jyl basynda engizilgen Qoǵamdyq keńester qyzmeti boıynsha zańnamalyq ózgeristerdiń arqasynda Qoǵamdyq keńes jumysynyń tıimdiligin arttyrý isinde aıtarlyqtaı jetistikterge qol jetkizilgendigin atap ótti.
Aıda Balaeva qoǵamdyq keńesterdiń qyzmetin jetildirý jáne úılestirý boıynsha mınıstrlik tarapynan júrgizilip jatqan jumysqa, onyń ishinde zańǵa táýeldi aktilerge, zańnamanyń negizgi erejelerin túsindirýge baǵyttalǵan ádistemelik semınar-trenıngter týraly egjeı-tegjeıli baıandap berdi.
Mınıstr kezdesý barysynda qoǵamdyq keńester óz ókilettikterin tolyq kólemde oryndamaıtynyna nazar aýdardy.
Óz kezeginde Almaty qalalyq qoǵamdyq keńesiniń músheleri qoǵamdyq keńesterdiń ókilettikterin keńeıtý boıynsha zańnamalyq túzetýlerdiń is júzinde qalaı júzege asyrylyp jatqanyn, keıbir jergilikti atqarýshy organdarmen ózara is-qımyl boıynsha jumystaǵy qıyndyqtar týraly aıtyp berdi.
Buǵan deıin Aqparat jáne qoǵamdyq damý mınıstri Aıda Balaeva Almaty qalalyq qoǵamdyq keńesiniń múshelerimen kezdeskenin jazǵan bolatynbyz.
