Qoǵamdyq keńester quramyndaǵy memlekettik qyzmetshiler qysqarýy múmkin

ASTANA. QazAqparat – Otyn-energetıka kesheni máseleleri jónindegi qoǵamdyq keńestiń tóraǵasy Bolat Áýetaev qoǵamdyq keńes quramynan memlekettik qyzmetshilerdi shyǵarý usynysyn aıtty, dep habarlaıdy QazAqparat tilshisi.

«Bizdegi qoǵamdyq keńes músheleriniń úshten birin memlekettik qyzmetshiler qurap otyr. Qazirgi kezde biraz sarapshylar tartylǵanyn eskere otyryp, sala mamandary mańyzdy máselelerdi kóterip otyrǵanyn baıqap otyrmyz. Osy oraıda rezervte 8 sarapshy bar, ıaǵnı oryn jetispeıdi. Meniń oıymsha, keńestegi memlekettik qyzmetshilerdi qysqartý kerek», - dedi B. Áýetaev qoǵamdyq baqylaý máselelerin talqylaýǵa arnalǵan sarapshylar kezdesýinde.

Osy oraıda ol qoǵamdyq keńesterdiń jumysyna saladaǵy máselelerdi sheshýge yntaly mamandar men sarapshylardy tartý kerek ekenin aıtty.

«Quram tolyq bolǵannan keıin, qoǵamdyq keńeske basqa da bilikti mamandardy qosa almaı otyrmyz. Sondyqtan qoǵamdyq keńestiń quramyndaǵy memlekettik qyzmetshilerdi qysqartyp, tek sarapshylardy qaldyrý kerek. Bul turǵyda bizde bilikti mamandar barshylyq», - dedi B. Áýetaev.

Budan buryn habarlanǵandaı, búgin elordada ótken sarapshylar kezdesýinde elimizde qoǵamdyq keńesterdi qurý úrdisinde oń nátıjeler bar ekeni aıtyldy .