Qoǵamdyq keńester kez kelgen ózekti máseleni talqylaıtyn dıalog alańyna aınalýy tıis - E. Toǵjanov
Oǵan Qazaqstan halqy Assambleıasy Tóraǵasynyń orynbasary, QR Prezıdenti Ákimshiligi QHA Hatshylyǵynyń meńgerýshisi Eraly Toǵjanov pen Aqtóbe oblysynyń ákimi Berdibek Saparbaev qatysty.
- Oblys aýmaǵynda 90 ulttyń ókili turyp jatyr, 19 etnomádenı ortalyq ashyldy. Bizdiń maqsatymyz osynda turatyn ulttar arasynda kelisim, ózara túsinistik jáne dostyqty bekitý. Mundaı maqsatty Memleket basshysy Nursultan Nazarbaev qoıyp otyr. Turǵyndar arasynda ózara túsinistik bolǵan jaǵdaıda ǵana turaqtylyq bolady. Qoǵam men bılik ózara tyǵyz jumys jasaý kerek, sol kezde oń nátıjege qol jetkizemiz, - dedi Berdibek Saparbaev.
QHA Tóraǵasynyń orynbasary Qoǵamdyq kelisim keńesiniń qurylý tarıhyn baıandaı kele, osy organnyń aldynda turǵan maqsattar men tapsyrmalar týraly aıtyp berdi.
- Memleket basshysy memlekettik qurylystyń jańa satysynda Assambleıanyń negizgi maqsaty tek etnosaralyq emes, birinshi kezekte qoǵamdyq kelisimdi de qamtamasyz etý kerektigin aıtty. Osyǵan oraı QHA qyzmetine belgili ózgerister engizildi. Qoǵamdyq keńester kez kelgen ózekti máseleni talqylaıtyn dıalog alańyna aınalýy tıis, - dep atap ótti Eraly Toǵjanov.
Tek Aqtóbe oblysynda ǵana 157 keńes qyzmet etedi.
Eraly Toǵjanov qoǵamdyq kelisim keńesteri jumystarynyń tıimdiligin de atap ótti. Onyń pikirinshe, keńesterdiń barlyq jumysyn kúnniń ózekti-aqparattyq tártibine sáıkes, ıdeologııalyq jolǵa qoıý kerek, halyqty tolǵandyratyn ózekti máselelerdi qaraǵan kezde tetik retinde rólin kúsheıtý kerek, turǵyndardyń qatysýymen naqty usynystar men konstrýktıvti sheshý joldaryn qamtamasyz etý qajet, qoǵamdyq keńes jumystaryn jetildire túsý kerek.
Semınar barysynda sondaı-aq kóshi-qon protsesterin retteý máseleleri, sonymen birge dinı ekstremızm men terrorızmniń aldyn alý jáne olarmen kúres máselelerin retteý barysy qaraldy
