Qoǵamdyq birlestikterdiń shet elderden qarjylanýyna qarsymyn - N. Erimbetov
«Qazaqstan azamaty retinde elimizdiń qoǵamdyq birlestikterin shet elderden qarjylandyrýyna qarsymyn. Men túsinemin, ótken ǵasyrdyń 90-shy jyldarynda qarjy bolmady, qıyn kezeńderge tap boldyq. Al búgin biz kedeı memleket emespiz, dáýletimiz artty. Osy oraıda qazirgi kezde bizdiń úkimettik emes uıymdarǵa qajetti kólemdi qarjy bólýge qaýqarlymyz. Jaı ánsheıinnen eshkim aqsha bermeıdi. Sondyqtan, búginde eldiń dáýleti artqan kezde, ÚEU-larǵa qajetti qarjy bizdiń memleket úshin esh aýyrtpalyq túsirmeıdi. Bul baǵytta kóptegen adam eńbekpen qamtylady»,-dedi alıanstyń prezıdenti»,-dedi N. Erimbetov. Aıta keteıik, jaqyn arada Qazaqstannyń Azamattyq alıansy Parlamenttiń qaraýyna «Úkimettik emes uıymdardyń qyzmeti máseleleri boıynsha keıbir zańnamalyq aktilerge ózgerister men tolyqtyrýlar engizý týraly» zań jobasyn engizbek. Onda ÚEU-ny granttyq qarjylandyrý jáne memlekettik bıýdjet qarajaty esebinen úkimettik uıymdar úshin syıaqy tetikterin engizý josparlanýda.
