«Qoǵamdyq birlestikter týraly» zańnamaǵa túzetýler engiziledi

NUR-SULTAN. QazAqparat – 2023 jyly «Qoǵamdyq birlestikter týraly» qoldanystaǵy zańnamaǵa túzetýler engiziledi. Aqparat jáne qoǵamdyq damý mınıstrligi Prezıdent tapsyrmasy aıasynda osyndaı sharany iske asyrmaq, dep habarlaıdy QazAqparat tilshisi.

Qazaqstan Birikken ulttar uıymy, Eýropa qaýipsizdik jáne yntymaqtastyq uıymy sııaqty halyqaralyq sharttar men uıymdardyń múshesi ekeni belgili.

Sondaı-aq ekonomıkalyq yqpaldastyq jáne damý uıymy, OGP sııaqty halyqaralyq bastamalardyń qatysýshysy retinde adam quqyqtary salasynda ózine birqatar mindettemeler alǵan.

«Bul turǵyda azamattyq qoǵam ınstıtýttarynyń damýyna jáne azamattyq bastamalardy iske asyrý múmkindigine qosymsha qarqyn berý úshin quqyqtyq quraldar qajet.

Ol úshin 2023 jyly «Qoǵamdyq birlestikter týraly» qoldanystaǵy zańnamaǵa ózgerister engizý kózdelip otyr», - dedi Aqparat jáne qoǵamdyq damý mınıstri Asqar Ýmarov búgingi Úkimet otyrysynda.