Qoǵamdyq birlestikter múgedekterge bólingen 10 mln teńgeni jymqyrǵan

PAVLODAR. QazAqparat – Pavlodar oblysynda ymdaý tili mamanynyń qyzmetin kórsetpek bolǵan qoǵamdyq birlestikter bıýdjettiń 10 mln teńgesin jymqyrǵan. QazAqparat bul týraly QR Qarjy monıtorıngi agenttigine silteme jasap habarlaıdy.

«QR QMA Pavlodar oblysy boıynsha departamenti múgedekterge ymdaý tili mamanynyń qyzmetin kórsetýge bólingen bıýdjet qarajatynyń urlanýy faktisi boıynsha sotqa deıingi tergeýdi aıaqtady.

Tergeý barysynda «Novaıa jızn 2030» jáne «Júrek jylýy» qoǵamdyq birlestikteri 2019-2022 jyldar aralyǵynda Ekibastuz qalasynyń ákimdigimen ymdaý tili mamanynyń qyzmetin kórsetý boıynsha jalǵan mámileler jasaǵany anyqtaldy.

Alaıda naqty qyzmet kórsetilmegen. Bul úshin bógde mamandar tartylyp, olarǵa bıýdjetten bólingennen áldeqaıda az jalaqy berilgen. Memleketke 10 mıllıon teńgege jýyq shyǵyn kelgen», - delingen habarlamada.

Málim etilgendeı, sot qoǵamdyq birlestikterdiń basshysyn 3,5 jylǵa bas bostandyǵyn shekteý jazasyna kesti.