Qoǵamdyq baqylaýdyń memorgandarmen is-qımyly onlaın otyrysta qaraldy

NUR-SULTAN. QazAqparat - Búgin QR Aqparat jáne qoǵamdyq damý mınıstri Aıda Balaevanyń tóraǵalyǵymen Memleket basshysy Qasym-Jomart Toqaevtyń Joldaýyn talqylaý boıynsha «Qoǵamdyq baqylaý: memlekettik organdarmen ózara is-qımyl tetikteri jáne zańnamalyq bekitý» taqyrybynda onlaın dóńgelek ústel otyrysy ótti, dep habarlaıdy QazAqparat tilshisi.

Sharaǵa úkimettik emes uıymdardyń ókilderi, sarapshylar, ortalyq jáne jergilikti deńgeıdegi qoǵamdyq keńesterdiń músheleri jáne múddeli memlekettik organdardyń qyzmetkerleri qatysty. Óz sózinde A.Balaeva memlekettik organdar men azamattyq qoǵamnyń qoǵamdyq baqylaýdy damytýdaǵy ózara is-qımylynyń mańyzdylyǵyn atap ótti.

«Biz Qazaqstannyń Azamattyq alıansy azamattyq belsendiliktiń negizgi ózegine aınalyp, ÚEU men memlekettik organdar arasynda turaqty baılanys ornatatyn mańyzdy element bolatynyna senimdimiz» - dedi mınıstr «Azamattyq alıanstyń» jańa prezıdenti B.Nurǵazıevaǵa qarata.