Qoǵamdyq baqylaýdy rettep otyratyn zań kerek - Záýresh Battalova
«Qoǵamdyq baqylaý: memlekettik organdarmen ózara is-qımyl tetikteri jáne zańnamalyq bekitý» taqyrybynda ótken onlaın dóńgelek ústelde.
Záýresh Battalova oıyn ortaǵa saldy. Ol óz sózinde «Qoǵamdyq baqylaý» týraly zań Memleket basshysynyń basymdyqqa ıe zań retinde turǵanyn» atap ótti. Onyń paıymdaýynsha, qoǵamdyq baqylaý máselelerin naqty rettep otyratyn biryńǵaı zań bolýy kerek.
«Qoǵamdyq baqylaýdyń sýbektileri kim bolýy tıis – eń aldymen álbette jeke tulǵalar. ıAǵnı, onyń basynda azamattyq belsendilik tanyta biletin, áreketteri zańǵa qaıshy kelmeıtin azamattar, úkimettik emes uıymdar, qoǵamdyq komıssııa baqylaýshylary, konsýltatıvti organdar, memlekettik organdardyń janyndaǵy qoǵamdyq keńester turýy kerek. Osy tizimdi keńeıtken abzal. Sonymen birge qoǵamdyq baqylaýdyń obektileriniń de tizimin uzartqan durys. Olardyń qatarynda memlekettik organdardyń ǵana emes, kvazımemlekettik sektordyń, memlekettik mekemeler men kásiporyndardyń, densaýlyq saqtaý basqarmalary men jeke múlik formalarynyń, jumys berýshilerdiń, jeke jáne zańdy tulǵlardyń – bir sózben bıýdjet esebinen aqsha alatyn, memlekettik áleýmettik tapsyrysty oryndaıtyn, monopolııalyq orynda turǵan naryqtardyń sýbektileri bolýy kerek», - dedi ol.
Sondaı-aq, Záýresh Battalova zań jobasynyń tujyrymdamasyn qabyldaýǵa jáne qoǵamdyq baqylaý týraly zań jobasynyń ózin ázirleýge atsalysýǵa nıetti ekenin bildirdi.
Aıta ketsek Aqparat jáne qoǵamdyq damý mınıstri Aıda Balaevanyń tóraǵalyǵymen Memleket basshysy Q.Toqaevtyń Joldaýyn talqylaý boıynsha «Qoǵamdyq baqylaý: memlekettik organdarmen ózara is-qımyl tetikteri jáne zańnamalyq bekitý» taqyrybynda onlaın dóńgelek ústel ótti. Dóńgelek ústel jumysyna úkimettik emes uıymdardyń ókilderi, sarapshylar, ortalyq jáne jergilikti deńgeıdegi qoǵamdyq keńesterdiń músheleri jáne múddeli memlekettik organdardyń qyzmetkerleri qatysty.
