Qoǵamdyq baqylaýdy kúsheıtý asa mańyzdy - senator
«Joldaýdyń eń basty maqsaty – elimizdi ekonomıkalyq, áleýmettik turǵydan damytý jáne koronavırýs indetiniń saldaryn eńserý. Sonymen qatar Prezıdent ádiletti memleket qurýǵa baǵyttalǵan josparlaryn ortaǵa saldy», - dedi senator.
Onyń aıtýynsha, byltyrǵy Joldaýda aıtylǵan «Halyq únine qulaq asatyn memleket» tujyrymdamasy bıyl da jalǵasyn taýyp otyr.
«Rasymen, azamattardyń memlekettik basqarýǵa aralasýy, bılik pen azamattardyń jaýapkershiligin arttyrý asa mańyzdy jáne osyndaı qatynastardy zańdy retteý isine de basymdyq berildi. Prezıdent Joldaýda memlekette oryn alatyn qoǵamdyq qatynastarǵa qoǵamdyq baqylaýdy kúsheıtý qajettigin aıtty. Memleket basshysy osy maqsatta qoǵamdyq baqylaý týraly zań qabyldaý týraly usynysyn jetkizdi», - dedi L. Súleımen.
Aıta keteıik, 2020 jylǵy 1 qyrkúıekte Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saıynǵy dástúrli Joldaýyn jarııalady.
«Biz memlekettik baqylaýǵa balama retindegi qoǵamdyq baqylaý ınstıtýtyn qoldaı otyryp, tıisti quqyqtyq negiz qalyptastyrýymyz kerek. Memlekettik organdardyń, kvazımemlekettik sektordyń qoǵam aldyndaǵy ashyqtyǵyn jáne eseptiligin qamtamasyz etýge jol ashatyn «Qoǵamdyq baqylaý týraly» zańdy ázirlep, qabyldaýdy tapsyramyn», - dedi Prezıdent.
