Qoǵamdyq baqylaý jumysty úılestire bildi - Olga Chebakova
QYZYLORDA. QazAqparat - Qyzylorda oblysynda qaterli indetpen kúres baǵytynda qoǵamdyq baqylaý tobynyń músheleri sol maqsatta júzege asqan jumysty úılestire bildi, dep habarlaıdy QazAqparat tilshisi. Qqoǵamdyq baqylaý tobynyń jetekshisi Olga Chebakovaosylaı málim etti.
Onyń aıtýynsha, bul joba Densaýlyq saqtaý mınıstrligi men Aqparat jáne qoǵamdyq damý mınıstrliginiń birikken jumysynyń nátıjesinde júzege asty. Top músheleri densaýlyq saqtaý, ishki saıasat basqarmalary, ákimdik, sybaılas jemqorlyqqa qarsy qyzmet pen tyǵyz
baılanysta qyzmet atqardy. Barlyq baqylaýlar óńirlik úılestirýshige berildi jáne áleýmettik jelilerde jarııalandy.
«Shilde aıynan bastap bizdiń top gýmanıtarlyq kómekti tıisti oryndarǵa jetkizý isine belsene qatysty. Ony tirkep, áleýmettik jelilerde jarııalady. Aýrýhanalarǵa monıtorıng júrgizilip, tekserý aktileri toltyryldy. Apta saıyn onlaın-rejımde óńirlik úılestirýshiler arasynda túrli kezdesý ótkizilip, barlyq másele talqylandy. Qoǵamdyq baqylaý aldyna qoıylǵan mindetterdi iske asyrý kezinde problemamen betpe-bet kelgen jaǵdaıda barlyq máseleler ortalyqqa, tikeleı mınıstrlikterge joldandy», - dedi top jetekshisi.
