«Qoǵamdyq baqylaý» týraly zań jobasy qalaı ázirlenip jatyr
«Qoǵamdyq baqylaý» týraly zań jobasynda aldymen adam men azamattyń quqyǵy, zańdylyq, qaıyrymdylyq jáne azamattardyń qoǵamdyq baqylaý jumysyna belsendi, ıaǵnı qaıtarymsyz qatysý prıtsıpteri basty nazarda bolmaq. Sondaı-aq, ashyqtyq, senimdilik, obektıvtilik jáne táýelsiz qoǵamdyq pikir mańyzdy. Sonymen qatar qoǵamdyq baqylaýdyń qoljetimdiligi men aqparattyń ashyqtyǵyna erekshe mán beriledi», - dedi QR Aqparat jáne qoǵamdyq mınıstrligi azamattyq qoǵam isteri komıtetiniń tóraǵasy Madııar Qojahmetov «AntikorNews» jobasy aıasynda ótken baspasóz máslıhatynda.
Onyń aıtýynsha, búginde atalǵan zań jobasyn ázirleýge qatysty jan-jaqty jumystar atqarylýda.
«Búginde zań jobasyn ázirleıtin jumys toby qurylyp, onyń jol kartasy daıyndaldy. Jumys tobynyń quramynda sarapshylar, qoǵamdyq senim ulttyq keńesiniń músheleri, úkimettik emes uıym jáne memlekettik organ ókilderi bar. Qazirgi ýaqytta bizdiń mınıstrlik «Qoǵamdyq baqylaý» týraly zań jobasyn túrli deńgeıdegi qoǵamdyq ortada talqylaýda. Jáne zań jobasyn 2021 jyldyń maýsym aıyna deıin Memleket basshysyna tanystyrýdy josparlap otyrmyz. Oǵan deıin aldaǵy qarasha aıynda Úkimet janyndaǵy zań jobalary qyzmeti máselelerine arnalǵan vedomstvoaralyq komıssııa qaraýyna usynatyn bolamyz», - dedi ol.
