Qoǵamdyq baqylaý týraly zań jobasy daıyn boldy - komıtet tóraǵasy

NUR-SULTAN. QazAqparat – «Qoǵamdyq baqylaý týraly» zań jobasy ázirlendi. Bul týraly Azamattyq qoǵam isteri komıtetiniń tóraǵasy Madııar Qojahmet aıtty, dep habarlaıdy QazAqparat tilshisi.

«Memleket basshysy Qazaqstan halqyna Joldaýynda aýyldyq jerlerdegi azamattyq bastamalardy qoldaý tetigin ázirleýdi tapsyrdy. Granttyq qarjylandyrý júıesin aýyldyq qoǵamdyq uıymdardyń suranysyna beıimdeý jáne olardy alý úshin jeńildetilgen rejımdi engizý aýyldaǵy áleýmettik belsendilikke jaqsy serpin beredi. «Qoǵamdyq baqylaý týraly» zań jobasy ázirlendi», - dedi ol Ortalyq kommýnıkatsııalar qyzmetindegi baspasóz máslıhatynda.

Madııar Qojahmettiń aıtýynsha, atalǵan zań jobasy balamaly memlekettik, qoǵamdyq baqylaý ınstıtýtyn engizýdi kózdeıdi.

«Zań memleket isterin basqarý protsesterine azamattar men ÚEU-nyń keńinen qatysýyn qamtamasyz etýge múmkindik beredi. Aıta ketý kerek, bul quqyqtyq jetildirý qyzmetiniń artynda ártúrli dıalog alańdarynda talqydan ótken úlken uıymdastyrýshylyq jáne analıtıkalyq jumys jatyr»,- dedi komıtet tóraǵasy.