Qoǵamdyq baqylaý toby demalys oryndary men bazarlarda qandaı buzýshylyqtardy anyqtady
NUR-SULTAN. QazAqparat - 1 qyrkúıekte Aqparattyq jáne qoǵamdyq damý mınıstrliginiń qoldaýymen qurylǵan «Qoǵamdyq baqylaý» toby sanıtarlyq talaptarǵa sáıkestigin tekserý maqsatynda bazarlardy, saıabaqtardy, mektepterdi, akvaparkterdi aralady. Olardyń aıtýynsha, tamaq satatyn shaǵyn oryndarda kelýshiler arasyndaǵy qashyqtyq saqtaý normalary múldem oryndalmaǵan, dep habarlaıdy QazAqparat tilshisi.
Qoǵamdyq baqylaý músheleriniń aıtýynsha, 1 qyrkúıektde Qyzylorda qalasyndaǵy Eski bazar aýmaǵynda ornalasqan obektilerge monıtorıng uıymdastyryldy. Toptyń quramyna Qoǵamdyq baqylaý, sanıtarlyq-epıdemıologııalyq qyzmet, ishki saıasat basqarmasy, kásipkerler palatasy, aımaqtyq jáne jergilikti BAQ ókilderi kirdi. Saýda ortalyqtarynda maska taǵý rejımi tolyq saqtalyp («Jaına» jabyq bazary), kúzetshiler kire beriste turǵan. Saýda oryndarynda sanıtaızerler ornatylǵan jáne satýshylar maska taǵyp, medıtsınalyq qolǵappen jumys isteýde.
«Biraq kóshe bazaryndaǵy jaǵdaı máz emes. Ásirese, tamaq ónimderin satatyn shaǵyn oryndarda kelýshiler arasyndaǵy qashyqtyq múlde saqtalmaǵan. Maska bolsa da ıek tusyna ǵana taǵylǵan, bul óreskel buzýshylyq bolyp sanalady. Saýda núkteleriniń ıeleri sanıtarlyq normalardy saqtaýǵa tyrysqanymen, qoǵamdyq oryndarǵa kelýshiler maska rejımin óreskel buzatyndyǵyn atap ótkimiz keledi. Olar túsindirý júrgizgen kezde agressıvti áreket etedi, tipti qol jumsap jibergen jaǵdaıda boldy», - deıdi «Qoǵamdyq baqylaý» toby.
Taraz ben Kókshetaýdaǵy qalalyq saıabaqta, Býrabaıdaǵy akvoparke maska taǵý rejımi men áleýmettik qashyqtyq saqtaý rejımi saqtalmaǵan.
Sodan keıin Qoǵamdyq baqylaý Shýchınsk qalasyndaǵy 12 mekteptiń 8-ine baqylaý júrgizdi. Tekserilgen mektepter sanıtarlyq normalarǵa tolyq sáıkes keledi: mektep kireberisterinde jáne ár kabınette sanıtaızer ornatylǵan, mektep qyzmetkerlerinde maska men medıtsınalyq qolǵap bar, al medıtsınalyq qyzmetker dene qyzýyn tekserý úshin kireberiste kezekshilik etedi. Sabaqtar oqý jylyna tolyǵymen daıyn: parta men oryndyqtar áleýmettik araqashyqtyq normalaryna sáıkes bólingen, al keıbir mektepterde kvarts shamdary bar. Oqýshylardyń tyǵyzdyǵy men olardyń aralasýyn boldyrmaý úshin ár synypta bira ýaqyttan keıin úzilis bolyp turady.
