Qoǵamdyq baqylaý toby Batys Qazaqstan oblysyna bardy
NUR-SULTAN. QazAqparat - Qoǵamdyq baqylaý toby Batys Qazaqstan oblysyna baryp, qandaı dári-dármek, medıtsınalyq qural kerek ekenin anyqtaý úshin birqatar nysanda bolyp qaıtty, dep habarlaıdy QazAqparat tilshisi.
«BQO Qoǵamdyq baqylaý toby men volonterler oblystyq kópsalaly aýrýhanaǵa, dári-dármek saqtalyp turǵan dárihanaǵa bardy. Provızorlyq statsınarda jatqan naýqastardyń týǵan-týystarymen kezdesti. Sońǵy kúnderi provızorǵa dári-dármek kelip jatyr, kómekshi retinde sanıtarlar kerek», - deıdi BQO qoǵamdyq baqylaý úılestirýshisi Aıgúl Týrkına.
Onyń aıtýynsha, qoǵamdyq baqylaý toby qarttar úıine de barǵan.
«Biz qarttar úıiniń basshylyǵymen kezdesip, mekemedegi jaǵdaı qalaı ekenin kórdik. Qazirgi ýaqytta mekeme karantınde, oǵan №4 qalalyq emhana qyzmet kórsetedi. Onda jedel járdem jáne osy jerdegi qarttarǵa qaraıtyn dáriger bekitilgen. Dári-dármek jetispeýshiligi joq. Koronavırýspen aýyratyndar da joq. 3 adam ızolıatorda. Azyq-túlik jetkilikti, jemis-jıdek te bar», - deıdi BQO Qoǵamdyq baqylaý úılestirýshisi.
Qarttar úıindegi basty másele - jalaqynyń azdyǵy jáne ǵımaratqa jóndeý jumystary júrgizilmegendigi.
«Tıisti organǵa habarlasyp edik, olar ǵımaratqa jóndeý jumysyn jasaýǵa daıyndyq júrip jatqanyn aıtty. Qoǵamdyq baqylaýdyń bastamasymen jáne oblystyq ákimdiktiń qoldaýymen ınternat turǵyndary úshin 5 kontsentrat ákelindi. Ol ártúrli derti bar qarııalarǵa kerek bolyp qalady», - deıdi ol.
