Qoǵamdyq baqylaý: Reseı men Qytaıdan kelgen gýmanıtarlyq júktiń taratylýy qadaǵalandy
Nur-Sultan qalalyq sybaılas jemqorlyqqa qarsy qyzmet málimetinshe, elordaǵa Reseıden jetkilgen júkten 2 790 dana qorǵanys kıimderi, 21 850 dana úsh qabatty maskalar, 236 «koronovır» tabletkalary, Qytaı Halyq Respýblıkasynan jetkizilgen júkten 450 dana medıtsınalyq qorǵanys kıimderi, 3 000 dana hırýrgııalyq qolǵaptar, 15 dana ınfraqyzyl termometrler, 2 200 dana medıtsınalyq maska, 3 040 dana hırýrgııalyq maska bólingen.
«Búgingi tańda koronovırýs ınfektsııasy bar naýqastar ornalasqan medıtsınalyq uıymdardy jeke qorǵanys quraldary jáne dári-dármektermen qamtamasyz etý karantındik jaǵdaıdan tezirek shyǵýǵa múmkindik beredi. Bul kezeńde azamattardyń densaýlyǵy basty ról atqarady. Esh nárseni adam ómirimen salystyrýǵa bolmaıdy. Memleket qalyptasqan jaǵdaıdy joıý úshin keshendi sharalar qabyldaýda. Arnaıy monıtorıng toby men joba menedjerleri gýmanıtarlyq kómektiń Qazaqstan Respýblıkasyna kirgen sátinen bastap tutynýshyǵa deıin jetý baǵytyn qadaǵalaýda. Barlyq paketter qorǵanys quraldary men tegin gýmanıtarlyq kómekke jatatyndyǵyn bildiretin mórmen bekitiledi. Bul shara taýarlardy dárihanalar men deldaldar arqyly satýdyń aldyn alýǵa múmkindik beredi. Osyǵan baılanysty, barlyq múddeli azamattardy eger dárilik preparattarda osyndaı mór bolsa jobanyń 8 775 160-55-32 baılanys nómirine habarlasýǵa shaqyramyn», - dedi Nur-Sultan qalalyq sybaılas jemqorlyqqa qarsy is-qımyl departamenti janyndaǵy Arnaıy monıtorıngtik top ókili Jánibek Ýspanov.
