18:38, 14 Shilde 2020 | GMT +5
Qoǵamdyq baqylaý: Pavlodarǵa Katardan kelgen gýmanıtarlyq júk jetkizildi
NUR-SULTAN. QazAqparat - Pavlodar oblysyna elimizge Katardan kelgen gýmanıtarlyq júk jetkizildi. Bul jaıynda qoǵamdyq baqylaýdyń óńirlik úılestirýshisi Alma Qozbaeva Facebook paraqshasynda jazdy, dep habarlaıdy QazAqparat tilshisi.
Onyń atap ótýinshe, 2020 jyldyń 14 shildesinde Pavlodar oblysyna Katardan jeke qorǵanys zattarynyń 18 túrindegi (qorǵanys maskasy, qorǵanys kostıými, plastıka kózáınek jáne basqalar) gýmanıtarlyq júk kelip túsken.
Qoǵamdyq baqylaýdyń óńirlik úılestirýshisi Alma Qozbaeva Pavlodar oblystyq jemqorlyqqa qarsy qyzmet ókilderimen birge atalǵan gýmanıtarlyq júktiń oblystaǵy 38 medıtsınalyq uıymǵa jetkizilýine monıtorıng jasaǵan.