Qoǵamdyq baqylaý: Qyzylordaǵa Qytaıdan 34 myń maska jáne 8 myń qolǵap jetkizildi
NUR-SULTAN. QazAqparat - Qyzylordaǵa Qytaıdan gýmanıtarlyq júk jetkizildi. Bul jaıynda qoǵamdyq baqylaýdyń óńirlik úılestirýshisi Lıma Dıas Facebook paraqshasynda jazdy, dep habarlaıdy QazAqparat tilshisi.
«Qyzylordada Qazaqstandaǵy koronavırýsty qoǵamdyq baqylaý jumysy bastaldy. Búgin ǵana biz Qytaıdan gýmanıtarlyq júkti qabyldap alýǵa qatystyq. Júk búgin saǵat 12:15-te túsirildi», - dep jazdy ol.
Lıma Dıastyń atap ótýinshe, gýmanıtarlyq júkte 1 600 medıtsınalyq qorǵanys kombınezony, 8 200 dana bir rettik hırýrgııalyq qolǵap, 50 ınfraqyzyl termometr, 5 400 dana №95 medıtsına maskasy, 28 960 hırýrgııalyq maska, 3 700 medıtsınalyq qorǵanys kózáınegi bar.
«Erteń, 2020 jyldyń 15 shildesinde gýmanıtarlyq júk medıtsınalyq mekemelerge bólip beriledi», - deıdi Lıma Dıas.
