Qoǵamdyq baqylaý: Halyqqa qyzmet kórsetý ortalyqtaryndaǵy sanıtarlyq normalar tekserildi

NUR-SULTAN. QazAqparat – Qoǵamdyq baqylaý toby men sanıtarlyq-epıdemıologııalyq qyzmet ókilderi Esil aýdanyndaǵy Halyqqa qyzmet kórsetý ortalyǵynyń №1 bólimshesinde sanıtarlyq talaptardyń saqtalýyna monıtorıng júrgizdi, dep habarlaıdy QazAqparat tilshisi.

Sanıtarlyq-epıdemıologııalyq qyzmet ókilderiniń aıtýynsha, HQKO №1 bólimshesinde karantın kezinde jumys rejımin buzý baıqalǵan. ıAǵnı qyzmetkerler maska taǵý rejımin buzǵan, kelýshiler áleýmettik qashyqtyqty saqtamaǵan. Erejeni buzý faktisin 2020 jyly 14 qazanda saǵat 15:30-da jergilikti polıtsııa qyzmeti anyqtaǵan. Sodan keıin jergilikti polıtsııa qyzmeti ákimshilik quqyqbuzýshylyqty Esil aýdany boıynsha taýarlar men qyzmetterdiń sapasy men qaýipsizdigin baqylaý basqarmasynyń qaraýyna jibergen.

Esil aýdany Halyqqa qyzmet kórsetý ortalyǵynyń №1 bólimshesiniń basshysy Nursultan Sadybekov jergilikti polıtsııa qyzmetiniń barlyq eskertýleri joıylǵanyn aıtty.

«Bas memlekettik dárigerdiń qaýlysyna sáıkes bizdiń HQKO bólimshesinde monıtorıng júrip jatyr. Ótken joly buzýshylyqtar ishinara anyqtaldy. Búgin qoǵamdyq baqylaý toby SES ókilderimen birge qandaı jumys atqarǵanymyzdy kórdi. Qazir barlyq eskertýler joıyldy. Eki saǵat saıyn bizdiń qyzmetkerler maska aýystyrady, qolǵap kıedi. Turǵyndardan da sanıtarlyq normalardy saqtaýdy suraımyz», - dedi ol.

Qoǵamdyq baqylaý tobynyń respýblıkalyq úılestirýshisi Saıda Táýekeleva qoǵamdyq baqylaýdyń jazalaýshy emes, usynymdyq sıpatta ekenin atap ótti.

«Búgin biz mobıldi toppen, SES jáne ákimdik ókilderimen birge Esil aýdanynyń HQKO-na kelip túsken ótinishterdi kórýge keldik. Osyǵan baılanysty, buryn tirkelgen eskertpelerdiń qanshalyqty rettelegenin tekserdik. Qazir barlyq kemshilikter joıylyp, normalar saqtalǵanyn kórip otyrmyz. Halyq mundaı mekemelerge kelgende ózderin qaýipsiz sezinýi kerek. Al biz óz jaýapkershiligimizdi umytpaýymyz kerek, azamattardy barlyq saqtyq sharalaryn ustanýǵa shaqyramyz», - dedi Saıda Táýekeleva.

Esil aýdany boıynsha taýarlar men qyzmetterdiń sapasy men qaýipsizdigin baqylaý basqarmasynyń habarlaýynsha, talaptardy buzǵan eki Halyqqa qyzmet kórsetý ortalyǵyna 15 AEK kóleminde aıyppul salynǵan.

«Búgin biz Halyqqa qyzmet kórsetý ortalyǵynyń №1 bólimshesin Nur-Sultan qalasynyń bas sanıtarlyq dárigeriniń qaýlysynda jazylǵan talaptardyń saqtalýy boıynsha – termometrııa, maska rejımi, áleýmettik qashyqtyqty saqtaý, eden belgileri jáne antıseptıkterdiń bolýyn tekserdik. Esil aýdany boıynsha 425-baptyń birinshi bóligi boıynsha eki ákimshilik quqyqbuzýshylyq qaraldy. Eki HQKO-ǵa árqaısysyna 115 AEK kóleminde aıyppul salyndy. Jergilikti polıtsııa qyzmeti Ákimshilik quqyqbuzýshylyqty anyqtap, hattama jasady. Qazirgi ýaqytta HQKO-nyń osy bólimshesindegi barlyq buzýshylyqtar joıyldy. Kireberiste baılanyssyz termometrııa júrgiziledi, qyzmetkerler maska rejımi men áleýmettik qashyqtyqty saqtaıdy. Sanıtarlyq toraptarda da antıseptıkter bar», - dep atap ótti Esil aýdany taýarlar men qyzmetterdiń sapasy men qaýipsizdigin baqylaý basqarmasy basshysynyń orynbasary Nurbek Qýanyshbekov.

Onyń aıtýynsha, kóp jaǵdaıda kásipkerlik nysandarynda, mekemelerde maska rejımi saqtalmaıdy, jumys rejımi buzylady. Tamyz aıynan bastap búginge deıin Esil aýdany boıynsha 150 nysanǵa 41 mln teńge kóleminde aıyppul salynǵan.