Qoǵamdyq baqylaý: Atyraýlyqtar dúkende maska taqpaıdy, araqashyqtyqty saqtamaıdy

NUR-SULTAN. QazAqparat - Atyraý oblystyq qoǵamdyq baqylaý toby saýda ortalyqtaryn, azyq-túlik dúkenderin, dámhanalar men dárihanalardy jáne bazarlardy tekserip shyqty, dep habarla ıdy QazAqparat tilshisi.

Top músheleriniń aıtýynsha, Atyraý qalasyndaǵy kúndelikti adam kóp jınalatyn áleýmettik nysandarda áleýmettik araqashyqtyq saqtalmaıdy.

Kelýshilerdiń kópshiligi maska taqpaıdy. Máselen, «Atyraý», «Tamasha», «Rahat» saýda ortalyqtarynyń kire berisinde kelýshilerdiń maska taǵýy qadaǵalanyp, dene qyzýy ólshenedi.

Alaıda saýda dúńgirshekterinde satyp alýshylar men satýshylar maskasyz sóılesip, áleýmettik araqashyqtyqty saqtamaıdy.

«Qoǵamdyq baqylaý músheleri 15 azyq-túlik dúkeni men 2 bazardy tekserip shyqty. Shaǵyn azyq-túlik dúkenderi men bazarlar karantın talaptary men qarapaıym sanıtarlyq erejelerdi saqtaýdy qoıǵan. Áýejaıda da áleýmettik araqashyqtyq saqtalmaı otyr. Karantın talaptary tek jolaýshylar avtobýsynda ǵana qatań saqtalady», - delingen qoǵamdyq baqylaý toby taratqan aqparatta.