Qoǵamdyq baqylaý arqasynda tenderdiń 200 mln teńgesi únemdeldi
ASTANA. QazAqparat - Barlyq óńirlerde qoǵamdyq jáne kommertsııalyq emes uıymdarmen birlesip «Memlekettik satyp alýdy qoǵamdyq baqylaý» jobasy aıasynda memlekettik organdar men kvazımemlekettik sektor sýbektileriniń satyp alý portaldaryna taldaý júrgizý boıynsha jumystar jalǵasýda. Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń baspasóz qyzmeti habarlady.
«Osylaısha, eki aıdyń ishinde úkimettik emes uıymdardyń ókilderi agenttiktiń aýmaqtyq departamentiniń qyzmetkerlerimen jalpy somasy 200 mln teńge bolatyn baǵany qymbat kórsetý faktisiniń joly kesildi», - delingen habarlamada.
«Qazaqavtojol» ShJQ RMK-nyń osyndaı janar-jaǵarmaıdy satyp alýy boldyrylmady, nátıjesinde 46 mln teńge únemdeldi.
Sondaı-aq, «Jambyl oblystyq qan ortalyǵy» ShJQ RMK-nyń 3,5 mln teńgege bahıl satyp alýy boldyrylmaı, qaıta qaralǵannan keıin satyp alý somasy 126 myń teńgege tómendetildi. Osylaısha, 3,4 mln teńge únemdeldi.
«Bul jumys jalǵasyn tabady», dep habarlaıdy mekemeniń baspasóz qyzmeti.
