Qoǵamdy aqparattandyrý úshin uıymdastyrýshylyq perspektıvalar qurylýda– sarapshy
«22 shildede QR Prezıdenti Qasym-Josart Toqaevtyń Jarlyǵymen memorgandardyń halyqpen aqparattyq ózara is-qımyly boıynsha blogy kúsheıtildi. Birinshiden, QR Prezıdenti Ákimshiligi qurylymynda Ortalyq kommýnıkatsııalar qyzmeti quryldy. Bul óz kezeginde elimizdegi áleýmettik-ekonomıkalyq jáne qoǵamdyq-saıası jaǵdaı týraly jedel habarlaýǵa, sondaı-aq qoǵamdy aqparattandyrý úshin jańa uıymdastyrýshylyq perspektıvalardy qurady», - dedi sarapshy.
Sonymen qatar ol Memleket basshysynyń Jarlyǵymen Aıda Balaevanyń QR Prezıdentiniń kómekshisi – QR Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi bolyp taǵaıyndalýyna qatysty pikir bildirdi. Osyndaı qadamdar memleket pen qoǵamnyń ózara is-qımylyn keńeıtýdiń jáne memapparattyń halyqpen jaqyndaýynyń eń mańyzdy tetikteriniń biri retinde tıisti ınstıtýtty kúsheıtý boıynsha Memleket basshysynyń jumysynyń júıeligin baıqatyp otyr.
«Atalǵan bólimdi Prezıdent kómekshisiniń basqarý faktisi memlekettik basqarý júıesin reformalaý barysyn baqylaýǵa Qasym-Jomart Toqaevtyń jeke óziniń qatysyp turǵandyǵyn bildiredi. Aıta keteıik, QR Prezıdenti Ákimshiliginiń Ótinishterdi qaraýdy baqylaý bóliminde tıisti jumys úshin qajetti baza bar. Búginde Qazaqstanda azamattardyń ótinimderi úshin birqatar tetikter qarastyrylǵan, olar qaǵaz túrinde jáne elektrondy nusqada qamtylǵan», - dedi Janar Sanhaeva.
Sonymen birge, vedomstvolardyń birinshi basshylary iske asyryp kelgen azamattardy qabyldaý sharalary, telefon arqyly baılanysqa shyǵý, qoǵamdyq keńester jáne basqa da alańdar bar.
«Osy arqyly jańa taǵaıyndaý sheshimderdi qabyldaý protsesine azamattardy belsendi kiristirý arqyly ótinishter ınstıtýtyn reformalaýdy kúsheıtip otyr. Bul óz kezeginde memlekettik basqarý júıesin keshendi reformalaý máselesinde mańyzdy element bolyp sanalady», - dedi sarapshy.
Budan buryn habarlanǵandaı, Memleket basshysy QR Prezıdenti janyndaǵy «Ortalyq kommýnıkatsııalar qyzmeti» respýblıkalyq memlekettik mekemesin qurý jónindegi Jarlyqqa qol qoıdy.
Prezıdent Ókimimen Talǵat Qalıev QR Prezıdenti janyndaǵy Ortalyq kommýnıkatsııalar qyzmetiniń basshysy bolyp taǵaıyndaldy.
