Qoǵamdyq tártip: elimizde qansha beınebaqylaý kamerasy iske qosylǵan

ASTANA. KAZINFORM – Polıtsııanyń kezekshi bólimderi men jedel basqarý ortalyqtaryna 470 myńnan kamera qosylǵan. Bul týraly Kazinform agenttiginiń BIZDIÑ ORTA podkastynda QR ІІM Aqparattyq saıasat departamentiniń basqarma basshysy Shuǵyla Turlybek málim etti. 

– Jalpy, elimizde 1,5 mln-nan astam beınekamera ornatylǵan. Onyń ishinde 470 myńnan astamy polıtsııanyń kezekshi bólimderi men jedel basqarý ortalyqtaryna qosylǵan. Osy ortalyqtarda táýlik boıy ınspektorlar qoǵamdyq tártipti baqylap, jumys isteıdi. Beınekameralar arqyly ahýaldy qadaǵalap, quqyq buzý derekterin tirkep otyrady, - dedi Sh. Turlybek.

Onyń sózine qaraǵanda, bıyldyń ózinde beınebaqylaý arqyly 10 mln ákimshilik quqyq buzýdyń joly kesildi. 

– Bul turǵyda polıtsııa qyzmetkerleri áreket etip, qylmystardyń betin ashty. Osy oraıda polıtseıler aryz-shaǵym túskenin kútip otyrmaıdy. Ákimshilik quqyq buzýdyń arasynda abattandyrý tártibin buzý men qoǵamdyq oryndardy lastaý derekteri bar. Keıde qoǵamdyq orynǵa alkogoldik ishimdikpen baryp, mas kúıinde kópshilik ortada júrgender kezdesedi. Osy faktiler beınekameramen ýaqtyly anyqtalady, - dedi basqarma basshysy.

Aıta keteıik, Astanada jedel járdem kólikterin zamanaýı beınebaqylaý júıelerimen jabdyqtaý jobasy bastaldy.