Qoǵamdyq palata men Halyq Keńesiniń mindetteri bir-birin qaıtalamaı ma – Aıdos Sarym jaýaby
ASTANA. KAZINFORM – Búgin Quryltaı otyrysynan keıingi baspasóz máslıhatynda depýtat Aıdos Sarym Quryltaı janyndaǵy Qoǵamdyq palata men Halyq keńesiniń mindetteri bir-birin qaıtalaýy múmkindigine qatysty saýalǵa jaýap berdi.
- Birinshiden, Halyq Keńesi – konstıtýtsııalyq organ. Onyń ókilettikteri men mindetteri Konstıtýtsııada jáne konstıtýtsııalyq zańda naqty belgilengen. Onyń fýnktsıonaly áldeqaıda keń. Keńes iri máselelerdi kóterip, bastama jasaı alady. Sonymen qatar onyń usynymdary belgili bir deńgeıde mindetteýshi sıpatqa ıe, – dedi Aıdos Sarym.
Onyń aıtýynsha, Quryltaı janyndaǵy Qoǵamdyq palatanyń negizgi mindeti – zań jobalaryn jetildirý jáne Quryltaı depýtattary qabyldaǵan zańdardyń júzege asyrylýyna qatysty keri baılanysty qamtamasyz etý.
- Bul – Quryltaı úshin anaǵurlym qoldanbaly sıpattaǵy ınstıtýt. Ol – jumysymyzdyń sapasyn arttyrýǵa múmkindik beretin qural. Sondyqtan Qoǵamdyq palatany Halyq keńesiniń jumysyn qaıtalaıtyn ınstıtýt dep sanamaımyn, – dedi ol.
Aıdos Sarym keıbir sarapshylardyń eki ınstıtýttyń jumysyna da qatar qatysýy múmkin ekenin joqqa shyǵarmady. Alaıda bul jaǵdaıdy mindetterdiń qaıtalanýy dep eseptemeıtinin atap ótti.
Aıta keteıik, búgin Quryltaı janynan Qoǵamdyq palata quryldy.
