Qoǵamdyq orynda dáret syndyrǵan elordalyq azamatqa aıyppul salyndy

ASTANA. KAZINFORM — Elordada qoǵamdyq tártipti buzýshylardy, basqalardyń múlkine qol suǵatyn jáne adamdar kóp jınalatyn jerlerde tártip buzatyn vandaldardy anyqtaý jáne jazalaý jalǵasyp jatyr. Bul týraly Astana ákimdiginiń resmı saıty jazdy. 

Sonymen, aqpan aıynyń basynda túski as kezinde 42 jastaǵy er adam mas kúıinde Kravtsov kóshesindegi dúkenderdiń birine kirip, satýshymen janjal shyǵarǵan. Janjal kezinde ol dúkenniń múlkine zııan keltirdi. Sottyń sheshimimen ol 7 kúnge qamaýǵa alyndy.

Taǵy birde elordanyń 25 jastaǵy turǵyny Máńgilik El dańǵylyndaǵy qoǵamdyq orynda dáretke otyrǵan. Oǵan aıyppul salyndy.

Keshki ýaqytta Alash tas jolyndaǵy qalalyq dámhanalardyń biriniń janynda 29 jastaǵy mas adam qyzmettik kóliktiń aldyńǵy aınasyn syndyrdy. Ol 15 kúnge qamaýǵa alynady.

Esterińizge sala keteıik, Astanada eriktiler, belsendiler, tanymal sportshylar, pikir kóshbasshylary, qala turǵyndary qoldaǵan «Toqta, vandal» aktsııasy jalǵasyp jatyr.

Aktsııa aıasynda qalada kúndizgi jáne túngi reıdter ótkiziledi, halyq arasynda qoǵamdyq tártipti saqtaý qajettiligi týraly túsindirý jumystary júrgiziledi.