Qoǵamdyq birlestikter men kásibı qaýymdastyqtar «Ádilet» partııasyna qoldaý bildirdi
ASTANA. KAZINFORM — Іri qoǵamdyq birlestikter men kəsibı qaýymdastyqtar «Ədilet» partııasyn qoldaıtynyn məlimdedi Qazaqstandaǵy birqatar iri qoǵamdyq birlestikter, salalyq qaýymdastyqtar men kəsibı uıymdar «Ədilet» saıası partııasymen yntymaqtastyq ornatýǵa daıyn ekenderin jetkizdi.
Partııany qoldaýshylar qatarynda jumysshylar men jumys berýshilerdiń, úkimettik emes sektordyń, volonterlik qozǵalystyń, kəsibı qaýymdastyqtardyń, bıznes, ǵylym, mədenıet, bilim berý, densaýlyq saqtaý, ekologııa, IT jəne kreatıvti ındýstrııa salalarynyń múddesin qorǵaıtyn uıymdar bar.
Búgingi tańda «Ədilet» partııasyn qoldaıtynyn məlimdegen uıymdardyń qatarynda «PARYZ» jumys berýshilerdiń ulttyq konfederatsııasy, Qazaqstan ınvestorlary qaýymdastyǵy, Qazaqstan taýken palatasy, Qazaqstan avtomobıl odaǵy, Medıtsınalyq jəne farmatsevtıkalyq bıznes ulttyq qaýymdastyǵy, «Qazaq Green» jańartylatyn energııa kózderi qaýymdastyǵy, Qazaqstandaǵy jasandy ıntellektti damytý qaýymdastyǵy, Women in Tech Kazakhstan, Qazaqstannyń kreatıvti ındýstrııalar alıansy bar.
Bul qatarda Qazaqstan kınematografıster lıgasy, Q88 aýmaqtardy turaqty damytý qaýymdastyǵy, QR əleýmettik ınnovatorlar qaýymdastyǵy, SOCIAL INNOVATION HUB, «Jańa adamdar» qoǵamdyq birlestigi, «Dala qyrandary» qoǵamdyq birlestigi jəne basqa da uıymdar bar.
«Ədilet» partııasy aldaǵy ýaqytta da azamattyq qoǵam ınstıtýttarymen, kəsibı qaýymdastyqtarmen, sarapshylar men eldiń barlyq óńirlerindegi bastamashyl azamattarmen ózara is-qımyldy nyǵaıta beredi.
Aıta keteıik, «Ádilet» saıası partııasy memlekettik tirkeýden ótti.
