Qoǵamdyq baqylaý Qonaevtaǵy jaǵajaılardy tekserdi

ASTANA. KAZINFORM — 1 tamyzda Almaty oblysynyń týrıstik jáne rekreatsııalyq aımaqtaryn qoǵamdyq baqylaý sheńberinde Qoǵamdyq keńes músheleri ekologııalyq monıtorıng júrgizdi. Bul týraly Mádenıet jáne aqparat mınıstrliginiń baspasóz qyzmeti habarlady.

Kóshpeli ekologııalyq monıtorıng Qonaev qalasyndaǵy 5-shi jáne 6-shy jaǵajaı aýmaǵynda ótti.
Monıtorıngtiń maqsaty –ózekti ekologııalyq problemalardy anyqtap, jaǵalaý aımaǵynyń sanıtarlyq jaǵdaıyn baǵalaý, sondaı-aq demalýshylar úshin ınfraqurylym men jaǵdaıdy jaqsartý boıynsha usynystar ázirleý.

Sýǵa túsý maýsymy bolǵandyqtan, atalmysh nysandarda barlyq qaýipsizdik sharasy saqtalǵan.

Atap aıtqanda, sýǵa túsý kezinde jaǵalaý syzyǵynan asqan kezde dereý eskertiledi, qoqys turaqty túrde tazalanady, medpýnkter júıeli jumys atqarýda, qutqarýshylar árdaıym kómek qolyn sozýǵa daıyn.

Aıta keteıik, 5-shi jaǵajaıda qutqarýshylar sany 15 qutqarýshydan 22-ge ósken. Al, 6-shy jaǵajaıǵa taǵy úsheý qosylǵan. Sondaı-aq 4 led-ekran ornatylǵan. 5-shi jaǵalaýda 22 daýys zoraıtqysh ornatylǵan.

Aýmaqta 4 qutqarý munarasy jáne sýdaǵy tártip erejelerimen tanystyratyn aqparattyq stendter bar. Sý kólikteri men shaǵyn kólemdi kemelerge arnalǵan 2 bólek oryn belgilengen.

Osy baǵyttaǵy jumysty Qoǵamdyq keńes maýsym aıaqtalǵansha júrgizetin bolady.

Aıta ketelik Qonaevtaǵy demalys ornyndaryna ortaq dızaın-kod jasalatyny týraly jazǵan edik.