Qoǵamdaǵy ózekti máselelerdi sheshý joldaryn bilemiz - Prezıdent
NUR-SULTAN. QazAqparat - Qoǵamdaǵy ózekti máselelerdi aıqyn kórip otyrmyz. Bul týraly Táýelsizdik saraıyndaǵy ulyqtaý rásiminde Qazaqstan Prezıdenti Qasym-Jomart Toqaev málim etti, dep habarlaıdy QazAqparat tilshisi.
«Meniń saılaýaldy úgit-nasıhat jumystarym - bul úlken mindettiń aldyndaǵy halyqpen keńesý boldy. 2019 jyldyń 13 mamyrynda #BIRGE jalpyhalyqtyq aktsııasy bastaldy. Onyń basty maqsaty - el damýyndaǵy eń mańyzdy mindetterdi anyqtaý. Qazaqstannyń barlyq aımaqtarynan túrli usynystar jınaldy. Búginge deıin 540 myńǵa jýyq usynys-tilek kelip tústi», - dedi Prezıdent.
Osy oraıda Memleket basshysy #BIRGE aktsııasyna qatysyp, azamattyq belsendilik tanytqan barsha halyqqa shyn júrekten alǵysyn aıtty.
« Endi biz qoǵamdaǵy ózekti máselelerdi aıqyn kórip otyrmyz. Onyń sheshý joldaryn bilemiz», - dedi Qasym-Jomart Toqaev.
