Qoǵamdaǵy keleńsizdikterdi emdeýdiń bir joly - kórkem ádebıet - Qabdesh Jumadil
ALMATY. 3 shilde. QazAqparat /Erlik Erjanuly/ - "Biz qazir materıaldyq baılyqty rýhanı baılyqtan joǵary qoıýdyń zardabyn shegip jatyrmyz", - dedi Qazaqstannyń halyq jazýshysy, Memlekettik syılyqtyń ıegeri Qabdesh Jumadil búgin Almatyda ótken baspasóz másldıhatynda.
"Shyǵarmashylyq odaqtar qoǵamdyq uıymdar qataryna engizilip, memleket qamqorlyǵynan tys qaldy. Rýhanı baılyqty jasaýshy eńbekkerler ǵoı. Keńestik dáýirde jazýshylardyń kitaby shyqqan kezde beriletin qalamaqysy kelesi romanyn jazǵanǵa deıingi 2-3 jylǵa tolyq jetetin. Men keńestik dáýirdi synaýshylardyń biri bolsam da, eńbekke aqy tólenetin qoǵamdy jaqtaımyn", - deıdi Qabdesh Jumadil.
Onyń aıtýynsha, "aldymen ótpeli kezeńdegi ekonomıka, sodan keıin ǵana saıasat" deıtin túsinik bizde áli kúnge deıin ózgerissiz kele jatyr. Rýhanı kedeıshilikke ushyraǵan qoǵamdy keleńsizdik jaılaıdy. Qazirgi atys-shabys, nashaqorlyq, zınaqorlyq, jemqorlyq pen sybaılastyq sııaqty jáıttar sonyń naqty aıǵaǵy deýge bolady. Mundaı qubylys deni saý qoǵamnyń belgisi emes. "Qoǵamdy bul syrqattan emdeıtin nárse - kórkem ádebıet. Ol sanaǵa birte-birte taraıtyndyqtan, onyń nátıjesi bir kúnde bilinbeýi múmkin.Biraq óz bolashaǵyn oılaıtyn el ony óz saıasatynyń basym baǵytyna analdyryp, oǵan erekshe kóńil bóledi. Ókinishke qaraı, biz qazir qoǵamnyń dertterin emdeıtin jaǵdaıǵa jete almaı otyrmyz", - deıdi Qabdesh Jumadil.
