Qoǵamdaǵy ár alýandyq beıbitshilik qurýǵa esh kedergi emes - EQYU PA vıtse-prezıdenti Krıstın Mýttonen
ASTANA. QazAqparat - Qoǵamdaǵy ár alýandyq beıbitshilik qurýǵa esh kedergi emes. Kerisinshe, biz ár alýandyq ekonomıkalyq ósimdi arttyryp, turmystyq sapasyn jaqsartýǵa oń septigin tıgizetin mysaldar jeterlik.
Búgin Astanada ótip jatqan «Dinder terrorızmge qarsy» atty halyqaralyq konferentsııada Aýstrııa Federaldy Parlamenti Ulttyq keńesiniń múshesi, EQYU Parlamenttik Assambleıasy vıtse-prezıdenti Krıstın Mýttonen osylaı málimdedi.
«Ózara syılastyq, bóten pikirlerdi tyńdaý, basqa mádenıetti de qurmetteý arqyly qoǵamda tynyshtyq pen turaqtylyq ornatýǵa bolady. Eger basqa pikirlerdiń ustanymyn estisek, olarmen yntymaqtastyqty arttyrsaq, onda qoǵam úshin de mańyzdy ilgerileý bolatyn edi. Bizdiń Uıymnyń maqsat mindeti de sol», - dedi Krıstın Mýttonen.
Onyń aıtýynsha, mádenıetter arasyndaǵy beıbitshilik pen kelisimdi, toleranttylyqty, tózimdilikti arttyrýda parlamentaralyq dıplomatııanyń róli erekshe.
«Búgingi tańda elder arasyndaǵy yntymaqtastyqtyń qajettigi meılinshe ózekti bolyp otyr. Terrorıstik jeliler, ekstremıstik toptar dindi jamylý arqyly lańkestik shabýyldaryn aqtap alǵysy keledi. Olar elder arasyndaǵy yntymaqtastyqtyń artýyna emes, ydyraýyna múddeli», - dedi EQYU PA ókili.
