Qoǵamda úkimettik emes uıymdardyń róli zor - Lázzat Qaltaeva

ALMATY. QazAqparat - «Shyraq» múgedektigi bar áıelder qaýymdastyǵynyń tóraǵasy Lázzat Qaltaeva úkimettik emes uıymdardyń qoǵamdaǵy róli men atqaratyn jumystary týraly QazAqparat tilshisine aıtyp berdi.

«Eń aldymen, úkimettik emes uıymdardyń nemese 3-shi sektordyń róli qoǵam men jeke adamdardyń múddelerin qorǵaý bolyp tabylady. Mysaly, bıznestiń maqsaty- paıda tabý. Al, Memleket jalpy barlyq protsesterdi retteıtteıdi.Úkimettik emes uıymdar qarapaıym halyqtyń múddesine jaýap beredi»,-deıdi Lázzat Qaltaeva.

Onyń aıtýynsha, úkimettik emes uıymdardyń qyzmeti qoǵamnyń ártúrli salasyn qamtıdy.

«Úkimettik emes uıymdar da bir-birinen erekshelenedi. Olardyń atqarar jumysy da ártúrli. Shaǵyn klýbtardan bastap, halyqaralyq deńgeıde jumys isteıtin iri qaýymdastyqtarǵa deıin bar. Endi biri memlekettiń saıasatyna áser etedi (mysaly, ekologııa, jer, adam quqyqtary jáne taǵy basqalar)»,- deıdi spıker.

Táýelsizdik alǵady 30 jylda Qazaqstanda 20 myńnan astam úkimettik emes uıym quryldy. Lázzat Qaltaevanyń aıtýynsha, ÚEU uzaq ýaqyt boıy sheshimin tappaǵan óte mańyzdy máselelerdi sheshýge kómektesetiniń tilge tıek etti.

«Azamattyq qoǵam men úkimettik emes uıymdardyń memleket pen qoǵamda alar róli orasan. Myqty azamattyq qoǵamsyz qarapaıym adamdardyń múddelerin qorǵaý múmkin emes»,- deıdi ol.

«Shyraq» múgedektigi bar áıelder qaýymdastyǵynyń tóraıymy Lázzat Qaltaevanyń aıtýynsha, qazirgi ýaqytta turǵyndardy turmystyq zorlyq-zombylyq týraly zań jobasy alańdatady.

«Qazir qoǵamdy turmystyq zorlyq-zombylyq týraly zań jobasy alańdatyp otyr. Ony kúndelikti kórip te, estip te júrmiz. Bul máselege úkimettik emes uıymdar da beıjaı qaramaıdy. ÚEU-dar áıelderdi zorlyq-zombylyqtan barynsha qorǵap keledi. Keıbir úkimettik emes uıymdar bul júıe qaıǵyly jaǵdaıdyń aldyn ala almaıtyndyǵyn aıtady. Endi biri otbasylyq qundylyqtar, ulttyq mádenıetimiz, úlkenderge degen qurmet joǵalady dep alańdaıdy»,- deıdi Lázzat Qaltaeva.

Sóz arasynda, ol ÚEU tek protsesterdiń katalızatory retinde ǵana emes, sonymen birge bizdiń quqyqtarymyzdy qorǵaıtyn jáne búkil qoǵamnyń tepe-teńdigi men damýyn saqtaıtyn eń tıimdi saıasat pen zańdar ázirleýge múmkindik beretin medıatorlar retinde áreket ete alatydaryn aıtty.

Foto:express-k.kz