Qoǵamda rezonans týǵyzǵan Almatydaǵy jol apatyna kináliler sottaldy
ALMATY. QazAqparat - Qoǵamdyq rezonans týdyrǵan Almatydaǵy jol apatyna qatysýshylar sottaldy, dep habarlaıdy QazAqparat tilshisi.
«Qylmystyq is materıaldaryna sáıkes, júrgizýshi S.Satqynbaı Daewoo Matiz avtokóligimen Y.Altynsarın kóshesiniń boıymen ońtústik baǵytta kele jatyp, Abaı dańǵylymen qıylysqan tusta jol erejisin buzyp, tyıym salynǵan baǵdarshamnyń qyzyl túsinen ótip, joldan shyǵyp ketti. Sol jerde júrgizýshi E.V.Ivchenkonyń basqarýyndaǵy «JAC S3» avtokóligimen soqtyǵysty. E.V.Ivchenko da jol erejesin buzǵan. Ol Abaı dańǵylymen shyǵys baǵytta kele jatyp baǵdarshamnyń tyıym salynǵan sary túsine ótip ketken. Saldarynan E.V.Ivchenko tizgindegen kólik ınertsııamen qozǵalyp, kósheniń buryshynda turǵan jaıaý júrginshini qaǵyp ketti. Saldarynan jaıaý adam aýyr dene jaraqatyn aldy», – dedi Almaty qalalyq polıtsııa departamenti bastyǵynyń orynbasary Rústem Ábdrahmanov.
Atalǵan derek boıynsha júrgizilgen tergeý aıaqtaldy.
«Áýezov aýdandyq sotynyń úkimimen eki júrgizýshi de QR QK-niń 345-baby 2-bólimi boıynsha qylmys jasaǵany úshin kináli dep tanylyp olardyń árqaısysy bir jylǵa sottaldy. Sondaı-aq, úsh jyl merzimge kólik quralyn basqarý quqyǵynan aıyrydy»,-dep atap ótti spıker.
Eske salaıyq, bul jol kólik apaty 2020 jyly 17 qyrkúıekte tańǵy saǵat 08:00 shamasynda Almaty qalasy Áýezov aýdanynda bolǵan.
