Qoǵamda oryndy synǵa mártebeli oryn berý qajet - Darhan Myńbaı
ALMATY. 8 maýsym. QazAqparat - Táýelsizdik alǵannan keıin biraz adamdar synǵa tótep bere almaıtyndaı, shydaı almaıtyndaı jaǵdaıǵa jetti.
Ony Mádenıet jáne aqparat mınıstri Darhan Myńbaı búgin Almatydaǵy Qazaqtyń Muhtar Áýezov atyndaǵy memlekettik akademııalyq drama teatry kórkemdik keńesiniń keńeıtilgen májilisinde aıtty.
«Qazir baıqasańyzdar, qoǵamda syn máselesi óte qıyn jaǵdaıda. Syn qoǵamda mártebeli orynda bolý kerek. Soǵan jumys jasamasaq, qoǵamǵa kedergi jasaımyz. Tipti jaı sheneýniktiń ózi syn aıtsań, ystyqtap, shydaı almaı, terisine syımaı ketedi. Shyǵarma bar jerde syn, pikir alýandyǵy bolýy kerek, sonda ǵana alǵa jyljımyz dep oılaımyn», - dedi D.Myńbaı.
Іlııas Omarovtyń: «Halqymyz óner adamdaryn qashan da qadir tutady. Eger ol sondaı úlken qurmetke laıyq bıikte bolmaı shyqsa, qatty nazyrqaıdy. Ataq-abyroı syı emes, ol sheberge berilgen baǵa. Baǵaly adamǵa qoıylatyn talap úlken. Halqymyz odan jańa eńbekterdi asyǵa kútip otyrady. Onyń ózi sheberge azamattyq jaýapkershilik jumsaıdy», - degen sózderi bar eken, degen mınıstr: «Sizder jaýapkershilikti sezinetin adamsyzdar dep oılaımyn. Áıtpese osyndaı qıyn joldy tańdamas edińizder», - dedi.
