Qoǵamda narazylyq týyndaýy múmkin: Mınıstr QQS nelikten óspeıtinin túsindirdi

ASTANA. KAZINFORM – Qarjy mınıstri Mádı Takıev qosylǵan qun salyǵyn burynǵy deńgeıinde qaldyrý jóninde sheshim qabyldaýǵa ne túrtki bolǵanyn aıtty. 

«Ózderińiz jaqsy bilesizder, keıingi 1,5 jyldyń kóleminde jańa salyq kodeksiniń jobasy talqylanyp jatyr. Osy talqylaý aıasynda qosylǵan qun salyǵynyń mólsherlemesin kóterý usynylǵan bolatyn. Qazirgi tańda ony kóterýdiń qajeti joq degen paıymǵa keldik», - dedi ol Úkimet otyrysynan keıin BAQ ókiliniń saýalyna bergen jaýabynda.

Sondaı-aq, ol bul sheshimniń sebebin qoǵamdaǵy narazylyqpen baılanystyrdy.

«Ondaı shara bızneste, qoǵamda jaǵymsyz kórinis berýi múmkin», - dedi Mádı Takıev.