Qoǵam tynysy bir orynda turyp qalmaı, jańǵyra berýi kerek - Ámın Tuıaqov

ATYRAÝ. QazAqparat – Jeńil atletıkadan KSRO eńbek sińirgen sport sheberi, Qazaqstannyń eńbek sińirgen qaıratkeri Ámen Tuıaqov óz tańdaýyn Atyraýda jasady, dep habarlaıdy QazAqparat.

Almaty qalasynda turatyn belgili sportshy Atyraý qalasyndaǵy №8 ýchaskege kelip, daýys berdi.

Bul ýchaske N.Tilendıev atyndaǵy oblystyq kishi óner akademııasynda ornalasqan.

«Búgin – tarıhı kún. Óıtkeni, urpaǵymyz úshin, keleshek úshin mańyzdy qadam jasaıtyn eń jaýapty kezeńde turmyz. Elimizdiń beıbit bolýy, balalarymyzdyń baqýatty ómir súrýi úshin óz tańdaýymyzdy jasaýǵa múmkindik aldyq. Ózim el kelesheginiń jarqyn bolatynyna senemin. Bárimiz osy maqsatqa jumylyp, aıanbaı eńbek etýimiz qajet», -degen pikirin bildirdi Ámın Tuıaqov.

Onyń aıtýynsha, Atyraýǵa 85 jasqa tolýyna baılanysty is-sharaǵa kelgen.

«Ár adamǵa Otannan artyq qutty meken joq. Sol sebepti eldiń órkendegenin, jas býynnyń sapaly bilim alyp, eline qyzmet etkenin qalaımyz. Bul úshin qoǵam tynysy bir ornynda turyp qalmaı, jańǵyra berýi kerek. Al, jańǵyrý el Konstıtýtsııasyna engiziletin ózgeristen bastaý alatynyn uǵyný qajet. Búgin jańa da ádil Qazaqstannyń jańa tarıhy bastalady», -degen oıyn bólisti Ámın Tuıaqov.

Eske sala ketelik, buǵan deıin Atyraý perzenthanasynda jas bosanǵan analar daýys bergenin, keıin jabyq ýchaskeniń birinde daýys berý aıaqtalǵanyn habarlaǵan bolatynbyz.