Qoǵam pen memleket tózimdilik stress testinen ótti - Ádil Kaýkenov

NUR-SULTAN. QazAqparat – Barlyq partııa osy saılaý barysynda óńirlerde jumys isteý,da mol tájirıbe jınady, onlaın rejimdi meńgerdi, eń bastysy - qoǵam pen memleket tózimdilik stress testinen ótti. Saıasattanýshy Ádil Kaýkenov Facebook-tegi paraqshasynda osyndaı pikir bildirdi.

«Ekzıt pýl nátıjesi jarııalandy. Nátıjesi boljanǵandaı shyqty. Nur Otan birinshi orynda, shamamen 71% daýys aldy, ekinshi oryndaǵy «Aq jolda» 10 paıyz, úshinshi orynda QHP-da - 9%. Úsh partııanyń elektoraty úmitkerlerine Parlamentten kútkendegideı oryn áperdi. «Aýyl» men «Adal» qajetti daýys jınaı almady, alaıda olardyń jaǵdaıy jaman emes, Olar aldaǵy saılaýda qatelikterin joıý úshin jumys isteýi qajet», - dedi saıasattanýshy.

Ádil Kaýkenov qazaqstandyq saılaýshylar dástúrli túrde turaqtylyq pen evolıýtsııalyq damý jolyn tańdady degen qorytyndy jasady.