Qoǵam ózin elektrondy vırýstyń keselinen qorǵaýdy úırenýi tıis - D.Nazarbaeva
ASTANA. QazAqparat - Qoǵam ózin elektrondy vırýstyń keselinen qorǵaýdy úırenýi tıis. Bul týraly búgin elordadaǵy Táýelsizdik saraıynda ótip jatqan 12-shi Eýrazııalyq medıa forým barysynda QR Parlamenti Májilisiniń vıtse-spıkeri, atalǵan forýmnyń uıymdastyrý komıtetiniń tóraıymy Darıǵa Nazarbaeva aıtty.
«Osynda, zalda otyrǵan bárimiz Eýrazııa medıa forýmyna qatysýshylar men qonaqtar sóz erkindigi men buqaralyq aqparat quraldarynyń bostandyǵyn qaltqysyz ári dáıekti túrde jaqtaıtyndar dep oılaımyn. Sonymen qatar biz buqaralyq medıanyń jaýapkershiligin de tereń sezinemiz. Óıtkeni, qoǵamnyń ishine iritki salyp, qurtatyn da sol jaýapsyzdyq», - dedi D.Nazarbaeva.
Vıtse-spıkerdiń paıymynsha, tanymal áleýmettik jeliler keıde, ásirese, daǵdarys tusynda tildesý múıisinen balaǵattaý, bir-birin kinálaý, sumdyqty tóndire túsý alańyna aınalyp ketedi.
«Qoǵam ózin elektrondy vırýstyń keselinen qorǵaýdy úırenýi tıis. Tipti, mindetti de. Bul asa mańyzdy másele. Sizder, áriptester osy tóńirekte dáıekti ýájben pikir talastyrady dep oılaımyn», - dedi ol.
