Qoǵam nazaryn aýdarǵan Astanadaǵy JKO boıynsha sot ashyq bolady
ASTANA. QazAqparat - Bıylǵy qarashada «Kerýen» SOO mańynda oryn alǵan rezonanstyq JKO boıynsha sot otyrysy ashyq tártipte ótedi, dep habarlaıdy QazAqparat.
«Qazirgi kezde sot tergeý amaldary júrip jatyr jáne osy sharalar aıaqtalǵansha aqparatty jarııalaýǵa bolmaıdy. Sońǵy sheshim qabyldanǵannan keıin, sot otyrysy ashyq bolady. Sebebi ony jabyq rejimde ótkizýdiń eshqandaı negizi joq», - dedi Astana qalasy prokýrorynyń kómekshisi Temir Tursynbekov «QazAqparat» tilshisine.
Budan bólek, redaktsııa joldaǵan saýalǵa baılanysty qalalyq prokýratýra tarapy atalǵan qylmystyq istiń materıaldaryna beıne baqylaý kameralarynyń jazbalary tirkelgenin habarlady. Bul málimettermen qylmystyq protseske qatysýshylar ótinishhat berý arqyly tanysa alady.
«Atap aıtqanda, ishki ister organdary baryq qajetti sharalardy atqardy, sondaı-aq bul is Astana prokýratýrasynyń baqylaýynda tur», - dep túıindedi sózin Tursynbekov.
Eske sala keteıik, 12 qarashada «Infiniti» avtomashınasynyń júrgizýshisi «Kerýen» OSO aýmaǵynda kólik turaǵynda turǵan «Toyota Camry» kóligimen soqtyǵysyp, keıin trotýarǵa shyǵyp, eki jaıaý júrginshini basyp ketedi. Sodan keıin basqa «Toyota» kóligimen soqtyǵysyp, ekpinin toqtatpaǵan kúıi aǵashqa urynǵan.
