Qoǵam qaıratkerleri karantındi kezeń-kezeńmen alyp tastaýǵa qoldaý bildirdi
NUR-SULTAN. QazAqparat - Qazaqstannyń qoǵam qaıratkerleri 17 tamyzdan bastap elimizde karantın sharalarynyń kezeń-kezeńimen alynyp tastalýyna qoldaý bildirýde, dep habarlaıdy QazAqparat tilshisi.
«Osy ustanymdardy ózim qoldap otyrmyn. Nege deseńizder, ol elimizdegi ár azamatqa, ár adamnyń ómirine baılanysty. Sondyqtan bárimiz sabyrly bolyp, osy sharttardy tolyq ustanaıyq», - dedi QR Kásipodaqtar federatsııasy tóraǵasynyń orynbasary Nurlan Óteshov «Qazaqstan» telearnasyna bergen suhbatynda.
Al ekonomıst-sarapshy Saparbaı Jubaev elimizdiń densaýlyq saqtaý júıesi taıaý kúnderi respýblıka kásiporyndarynyń jumysyna ruqsat bergen kezde sol múmkindikti múmkindiginshe paıdalanyp, barlyq nysannyń úılesimdi qyzmetin qamtamasyz etý qajettigin aıtady.
«Sebebi 2019 jylmen salystyrǵanda jalpy ishki ónim óndirisi 1-2 paıyzǵa tómendep otyr. Halqymyz ekonomıkamen qatar óz densaýlyqtaryna da erekshe kóńil bólip, memlekettik komıssııa sheshimderin buljytpaı oryndaý kerek. Sol arqyly halqymyzdyń densaýlyǵyn da, elimizdiń ekonomıkasyn da jaqsarta túsemiz», - dedi Saparbaı Jubaev.
Eske sala ketsek, 17 tamyzdan bastap birqatar nysan jumysyn qaıta bastaıdy.