Qoǵam qaıratkeri Serikbolsyn Ábdildın ómirden ótti
NUR-SULTAN. QazAqparat - Almatyda qoǵam qaıratkeri, ekonomıst Serikbolsyn Ábdildın 82 jasynda kóz jumdy, dep habarlaıdy QazAqparat.
Bul habardy saıasattanýshy Erlan Saıyrov rastady.
«Qaıǵyly habar. Qazaqstan Respýblıkasy memleket qaıratkeri, ekonomıka ǵylymdarynyń doktory Serikbolsyn Ábdildın ómirden ótti», - dep jazdy E. Saıyrov Facebook jelisinde.
Serikbolsyn Ábdildın 1937 jyly Shyǵys Qazaqstan oblysy, qazirgi Tarbaǵataı aýdany Qyzyljuldyz aýylynda týǵan. 1960 jyly Qazaq aýyl sharýashylyq ınstıtýtyn bitirip, eńbek jolyn agronom bolyp bastaǵan.
1963–1966 jyldary aspırant, aǵa ǵylymı qyzmetker, 1967–1982 jyldary - Qazaq KSR-i Memlekettik josparlaý komıteti tóraǵasynyń orynbasary bolǵan.
1982 – 1985 jyldary Qazaq KSR Aýyl sharýashylyǵy mınıstriniń birinshi orynbasary, 1985 jyly - AÓK basqarý jónindegi Respýblıkalyq Joǵary mekteptiń rektory, 1986 – 1987 jyldary - Qazaqstan Aýyl sharýashylyǵy mınıstri, 1990-1995 jyldary Qazaq KSR Joǵary Keńesiniń Tóraǵasy boldy.
1995 jyldan beri Qazaq ulttyq agrarlyq ýnıversıteti Agrobıznes kafedrasynyń meńgerýshisi, professory qyzmetterin atqardy.
Serikbolsyn Ábdildın - 11-ge jýyq ǵylymı eńbek pen 6 monografııanyń avtory.
