Qoǵam qaıratkeri Qajymqan Másimov qaıtys boldy
ALMATY. QazAqparat - Almatyda belgili qoǵam qaıratkeri, Qazaqstan ulttyq agroónerkásiptik palatasynyń basshysy Qajymqan Másimov qaıtys boldy, dep habarlaıdy QazAqparat tilshisi.
Bul týraly Qazaq ulttyq Týrızm jáne sport akademııasynyń baspasóz qyzmeti rastady.
Qajymqan Másimov 1939 jyly 18 sáýirde dúnıege kelgen.
Omby temir jol ınstıtýtyn, Pavlodar ındýstrıaldy ınstıtýty men Almaty deneshynyqtyrý ınstıtýtyn bitirgen. Qazaq ulttyq Týrızm jáne sport akademııasynyń sport medıtsınasy kafedrasynyń qurmetti professory mártebesin alǵan.
2016 jyldyń qarashasynan bastap «Qazaqstan ulttyq agroónerkásiptik palatasy» zańdy tulǵalar jáne jeke kásipkerler qaýymdastyǵynyń basshysy bolyp saılandy.
Marqumdy aqtyq saparǵa shyǵaryp salý rásimi 9 sáýirde Almatydaǵy Ǵylym akademııasynda saǵat 10:00 men 11:00 aralyǵynda ótedi.
