Qoǵam qaıratkeri Amantaı Birtanovtyń 3 tomdyq shyǵarmalar jınaǵy jaryq kórdi
ALMATY. Qazannyń 7-si. QazAqparat /Erlik Erjanuly/ - Búgin Almatydaǵy Jazýshylar úıinde belgili qoǵam qaıratkeri, Qazaqstannyń eńbek sińirgen qyzmetkeri jáne densaýlyq saqtaý isiniń úzdigi Amantaı Birtanovtyń 3 tomdyq shyǵarmalar jınaǵynyń tusaýy kesildi.Ony Qazaqstan Jazýshylar odaǵy men Almaly aýdany ákimshiligi birigip uıymdastyrdy.
«Buǵan deıin de óziniń jınaǵyn shyǵarǵan biraz dáriger aǵalarym bar edi. Meniń shyǵarmalarmynyń ózgesheligi - sońǵy kitaptarmynyń barlyǵy aýrýhanada jazylǵan týyndylar boldy. Jalpy osy ýaqytqa deıin 11 kitap jazyppyn. Bul jınaqqa buryn jaryq kórgen «Ómir týraly oılar» ǵumyrnamalyq hıkaıasy men «Urpaǵyma hat», «Ómir órinde» degen shyǵarmalarym enip otyr», deıdi Amantaı Birtanov.
«Búgin aýdanymyzdaǵy erekshe jáne jaqsy bir kesh bolyp otyr. Biz ony ótkizý úshin osy qara shańyraqty beker tańdap alǵan joqpyz. Búkil álemge ózimizdiń qazaq ekenimizdi, bolashaǵy zor el ekenimizdi jazýshylardyń kitaby arqyly jetkizemiz. Amantaı aǵamyz densaýlyq saqtaý isine, ásirese júrek aýryn emdeýge kóp úles qosty. Oǵan ózi ǵana emes bala-shaǵasyn da osy salaǵa baǵyttady. Bul qalammen emes, júrekpen jazylǵan shyǵarmalar. Sol sebepti ol bizge jyly», deıdi Almaly aýdanynyń ákimi Marat Pirinbekov.
