Qoǵam karantındik sharalardan sabaq aldy - Altaı Kólginov
NUR-SULTAN. QazAqparat – «Nur-Sultan ákimi Altaı Kólginov qaladaǵy nysandarǵa koronavırýstyń taralýyna jol bermeý maqsatynda sońǵy býyndy tehnologııalardy ornatý múmkindigi týraly aıtty, dep habarlaıdy QazAqparat tilshisi.
«Qoǵam karantındik sharalardan sabaq aldy. Osy oraıda talaptardy oryndamaý jaǵdaılary azaıyp kele jatqanyn kórip otyrmyz. Sebebi kásiporyndar basshylary jáne qyzmet kórsetý salasyndaǵy meıramhanalar, saýda nysandary sanıtarlyq normalarǵa jaýapkershilikpen qaraı bastady. Áleýmettik qashyqtyqty saqtaý maqsatynda edenge tıisti belgiler tańbalanyp jatyr, kireberiste sanıtaızerler men teplovızorlar ornatylǵan. Olar mindetti túrde bolýy kerek. Bizdiń mobıldi toptarymyz barlyq saýda oryndaryna baryp, túsindirý sharalaryn júrgizýde», - dedi elorda ákimi «Astana» telearnasyna bergen suhbatynda.
Osy oraıda ol saýda oryndarynda qajetti quraldar ornatylýy kerektigin aıtty
«Qazir ozyq tehnıka túrleri bar. Emhanalarda demeýshiler tarapynan teplovızorlar aldyq, bul qurylǵylar bir mezgilde 30-40 adamnyń dene qyzýyn ólsheı alady. Ákimdik tarapynan da osy qurylǵylardy alýdamyz. Sondyqtan saýda nysandary basshylaryna dál osyndaı teplovızorlardy alýǵa keńes berdik. Biz kúzdegi JRVI kezeńine daıyndalýymyz kerek», - dedi A. Kólginov.
