Qoǵam damýy úshin ár adamnyń eńbekqorlyq, adaldyq qaǵıdattaryn ustanýy mańyzdy – Noǵaev
Sharaǵa 100-ge jýyq Jańaózen qalasy jáne oǵan irgeles aýyldardyń, eldi mekenderdiń qyz-kelinshekteri men kóp balaly analar qatysty. Festıval aıasynda oqytý semınarlary, tigin jáne qoldanbaly óner boıynsha sabaqtar ótkizildi. Jobanyń maqsaty - áıelder men kóp balaly analardy ulttyq brend arqyly shaǵyn jáne orta bızneske tartý, óz kásibin ashýǵa kómek kórsetý.
Sonymen qatar sharaǵa eki aıaǵymen is tigip, óziniń jeke kásibin dóńgeletip otyrǵan Taraz qalasynyń qurmetti azamaty, kásipker Anar Beksultanova qatysty. Dúnıege eki qolsyz kelgen ismer jańaózendik qyz-kelinshekterge matıvatsııalyq trenıng ótkizip, aıaǵymen tigin tigýden master-klass kórsetti. Ulttyq ónerdi ulyqtap, tiginshilikti tabys kózine aınaldyrǵan Anar zamandastaryn qıyndyqtan qaımyqpaı, baryn baǵalyp eńbek etýge shaqyrdy.
«Іsteı almaımyn, qolymnan kelmeıdi degen sózdi men jalqaýlyq dep sanaımyn. Meniń aıaǵymmen istep otyrǵan jumysty aıaq-qoly saý kez-kelgen qyz kelinshek jasaı alady. Bastysy nıet kerek. Jumystan qoryqpaý kerek.Talpynys bar jerde, jeńis bolady»,- deıdi Anar Beksultanova.
Qol-óner festıvaliniń qorytyndy keshine qatysqan aımaq basshysy Nurlan Noǵaev 20 jas tiginshi qyzǵa zamanaýı tigin mashınasyn syıǵa tartty.
«Saýsaq birikpeı, ıne ilikpeıdi degen sóz bar. Qoǵam damýy úshin ár adamnyń eńbekqorlyq, adaldyq qaǵıdattaryn ustanýy mańyzdy. Bul baǵytta jergilikti tiginshilerdiń úlesin atap ótkim keledi. Sizder súıikti isterińizben aınalysa otyryp, aqsha taýyp, ulttyq qol ónerdiń damýyna úles qosyp kelesizder. Bul qýantarlyq jaǵdaı. Biz Prezıdenttiń tapsyrmasyna saı turǵyndardyń ómir sapasyn arttyrý baǵytynda jumystanyp jatyrmyz. Tigin salasyndaǵy kásipkerlerdiń jumysyn úılestirý úshin Jańaózen qalasy men Munaıly aýdanynda toqyma sheberhanalaryn ashý josparda bar», - dedi Nurlan Noǵaev.
Semınar uıymdastyrýshysy Yrza Tursynzada trenıngten ótken jańaózendik ár bir qyzdyń óz isin damytýǵa áleýeti joǵary ekenin atap ótti.
