Qoǵam belsendileri zorlyq kórgen 9 jastaǵy qyzdyń jaǵdaıy týraly aıtty
AQTÓBE. QazAqparat – Aqtóbege «Ne molchı» qoǵamdyq qory men «Uran» qoǵamdyq birlestiginiń ókilderi keldi. Olar mektepte brıfıng ótkizip, zorlyq kórgen oqýshy qyzdy ońaltý jaıyn talqylady, dep habarlaıdy QazAqparat tilshisi.
Óz úıinde zorlyq kórip, aýrýhanaǵa túsken oqýshy qyzǵa kómektesý qajet. Búgin №17 Aqtóbe qalalyq orta mektebinde jýrnalısterdi jınaǵan qoǵam belsendileri japa shekken oqýshyny qorǵaý, onyń ómirge qaıta beıimdelýi týraly aıtty. Otbasymen, oqýshymen tildesý úshin Aqtóbege Almatydan psıholog arnaıy kelgen.
«Oqýshy qyzdyń mekenjaıy týraly aqparat áleýmettik jelige tarap ketti. Sol kópqabatty úıdiń sýreti shyqqannan keıin de 9 jastaǵy qyzdyń kim ekenin bári bilip otyrady. Jábirlenýshi úshin úlken soqqy boldy. Bul kompanııanyń jarnamasy nemese shoý bıznes ókilderiniń jumysy ómiri emes. Mundaı oqıǵada qyzdyń, adamnyń taǵdyry basty rólde bolýy shart. Aqtóbede zorlyq kórgen qyz qazir aýrýhanada. Anasyn nemese ákesin «balany baqylaýsyz qaldyrdy» dep aıyptamas úshin biz kómek kórsetemiz. Ákimdik te bárin baqylaýda ustaıdy. Ýaqytsha baspana berip, qoldaý bildirýge ýáde etti», - dedi «Ne molchı» qoǵamdyq qorynyń jetekshisi Dına Smaılova.
Qazir Aqtóbe oblysy boıynsha 5 adam Dına Smaılovaǵa aryz túsirgen. Onyń ekeýi bala, úsheýi áıelge qatysty zorlyq-zombylyq.
«Biz zorlyq-zombylyq kórgen oqýshynyń mektebinde bolyp, ata-analarmen kezdesý ótkizdik. Bizdiń túsingenimiz – zorlyqtyń aldyn alý kerek. Balalarǵa, ata-analarǵa saqtyq sharasyn jan-jaqty aıtamyz, qorǵaný joldaryn úıretemiz», - dedi ¤ ¤«Uran» respýblıkalyq qoǵamdyq birlestiginiń tóraǵasy Faızolla Qamenov.
Eske salsaq, Aqtóbede 12 jeltoqsan kúni mektep oqýshysyn zorlap ketti. 21 jastaǵy kúdikti bir aptada ustaldy.
