Kógaldaǵy hokkeıden Qazaqstan quramasy Azııa oıyndarynyń irikteý kezeńine qatysady
NUR-SULTAN. QazAqparat - Kógaldaǵy hokkeıden Qazaqstan quramasy Azııa oıyndarynyń irikteý kezeńine qatysady, dep habarlaıdy QazAqparat tilshisi.
Atalǵan týrnır Taıland astanasy Bangkok qalasynda 5 jáne 15 mamyr aralyǵynda ótkiziledi.
Ulttyq qurama A tobynda Oman, Taıland, Gonkong jáne Ózbekstanmen sheberlik baıqasady.
Al V tobynda Bangladesh, Shrı-Lanka, Indonezııa jáne Sıngapýr quramalary oınaıdy.
Azııa oıyndaryna alty qurama joldama alady.
Qazaqstandyq hokkeıshiler atalǵan dodanyń fınaldyq kezeńinde eki márte baq synady. 1994 jyly 6-oryn alsa, 2018 jyly 11-oryndy mise tutty.
Azııa oıyndarynda kógaldaǵy hokkeıden erler arasynda Pákistan 8 márte jeńimpaz atandy. Al Ońtústik Koreıa - 4 , Úndistan - 3, Japonııa - 1 márte chempıondyq tuǵyrǵa kóterildi.
Eske salsaq, budan buryn álem chempıonatyna qatysatyn qazaqstandyq hokkeıshiler tizimi jarııalandy.
