Kógaldaǵy hokkeıden Azıadaǵa irikteýde Qazaqstan úshinshi jeńisine jetti
NUR-SULTAN. QazAqparat – Kógaldaǵy hokkeıden Qazaqstan áıelder quramasy Azııa oıyndaryna irikteý satysynda úshinshi márte jeńiske jetti, dep habarlaıdy QazAqparat tilshisi.
Bul joly qazaqstandyq hokkeıshiler Kambodjamen sheberlik baıqasty. Oıyn barysynda Qazaqstan quramasy jınaqy qımyl kórsetti. Nátıjesinde birinshi kezeńde qarsylasyn 4:0 esebimen súrindirdi.
Ekinshi kezeńde de oıyn qarqyny báseńdegen joq. Qazaqstandyq hokkeıshiler basymdyǵyn arttyra tústi. Kezdesý qazaqstandyqtardyń basymdyǵymen 9:0 esebimen aıaqtaldy.
Eske salsaq, budan buryn Indonezııany 1:0, Ózbekstandy 2:0 esebimen jeńgen bolatyn.
El quramasy irikteý kezeńinde Ózbekstan, Indonezııa, Gonkong, Shrı-Lanka, Kambodja jáne Sıngapýrmen sheberlik baıqasady.
Elimizdiń áıelder quramasy Azııa oıyndary fınaldyq satysynda tórt márte qatysty. 1998, 2014 jyldarda 6-oryn alsa, 2010 jyly - 7, 2018 jyly 10-oryndy mise tutty.
